कीरा मकोड़ा
कीरा मकोड़ा
***********
संझा के बेरा मा , कीरा मकोड़ा आथे ।
दीया हा बरत रहिथे, उही मा आके झपाथे ।
रंग रंग के कीरा मकोड़ा , अब्बड़ उड़ाथे ।
एको ठन ला रमंज देबे , बिक्कट बस्साथे ।
खाय पीये के बेरा मा , तीरे तीर मा आथे ।
कतको तोपे रहिबे तभो , भात मा गिर जाथे ।
हाथ गोड़ मा रेंगत रहिथे, चुट चुट चाबथे ।
एको ठन खुसर जथे , अब्बड़ गुदगुदासी लागथे ।
तोप ढाँक के रखव सँगी , कीरा मकोड़ा झन परे।
खाय पीये के चीज मा , कीरा हा मत मरे ।
महेन्द्र देवांगन माटी
पंडरिया (कबीरधाम )
छत्तीसगढ़
@Mahendra Dewangan Mati
Comments
Post a Comment