माटी के रचना

पेड़ लगाव सबझन पेड़ लगाव जी, मीठा फल ला पाव जी । जतन करव तुम रोज के, पानी डारव खोज के ।। मिलही सब ला छाँव जी, सुंदर दिखही गाँव जी । जरय नहीं तब पाँव जी, होही तुहँरे नाँव जी ।। कौंवा करही काँव जी, चिरई चिरगुन चाँव जी । पहुना आही गाँव जी, सुरताही वो छाँव जी ।। शुद्ध हवा ला पाव जी, अब्बड़ पेड़ लगाव जी । ताजा फल ला खाव जी, पहिली पेड़ लगाव जी ।। महेन्द्र देवांगन माटी      पंडरिया छत्तीसगढ़ @Mahendra Dewangan Mati