किसानी के दिन

किसानी के दिन
आ गे दिन किसानी के अब , नाँगर धरे किसान ।
खातू कचरा डारत हावय , मिल के दूनों मितान ।
गाड़ा कोप्पर टूटहा परे , वोला अब सिरजावे ।
खूंटा पटनी छोल छाल के, कोल्लर ला लगावे ।
एसो असकूड़ टूटे हावय , नावा ले के लाये ।
ढील्ला हावय चक्का दूनों, बाट ला चढ़ाये ।
पैरा भूसा बाहिर हावय , कोठार मा रखवावय ।
ओदर गेहे बियारा भाँड़ी , माटी मा छबनावय ।

महेन्द्र देवांगन माटी
पंडरिया  (कबीरधाम )
छत्तीसगढ़
@ Mahendra Dewangan Mati
Pandaria