बीमारी के रोना

बीमारी के रोना

बीमारी के सब रोना हे।
आ गे अब कोरोना हे।

मुहूँ कान ला बाँधे राहव।
बार बार अब धोना हे।।

धुरिहा धुरिहा घुँच के राहव।
मया पिरित नइ खोना हे।

जींयत रहिबो दुनिया में ता ।
प्रेम बीज ला बोना हे।।

सबो जगा बगरे बीमारी ।
बाँचे नइ गा कोना हे।

सवधानी सब बरतो भैया ।
जिनगी भर अब ढोना हे।।

हाँसत खेलत दिन बीताबो।
फोकट के नइ रोना हे।

ये माटी के सेवा करके।
करजा सबो चुकोना हे।।

महेन्द्र देवांगन माटी
पंडरिया छत्तीसगढ़़