माटी के रचना

आतंकी के होवत हमला , सेना ऊपर फेंकत बम ला । बढगे हावय अत्याचारी , रोवत घर मा सब नर नारी । लाश परे हे एती ओती , बिखरे हावय चारों कोती । टूटे जइसे माला मोती , बुझगे कतको घर के जोती । सेना ला अब छोड़व खुल्ला , मार भगा आतंकी मुल्ला । पाकिस्तान में फोड़व गोला , कर दे तांडव बमबम भोला । *पुलवामा* के बदला लेवव , मुड़ी काट के हाथ म देवव । बैरी के अब बाजू काटव ,  कउवाँ चील म ओला बाँटव । लहू सबो के खौलत हाबे , भाग कहाँ अब तैंहर जाबे । कब तक बकरा खैर मनाबे, धार छुरी हे अभी पुजाबे । बोटी बोटी तोला करबो ,  खड़री निछके मिरचा भरबो । चाहे जान भले दे देबो ,  फेर तोर ले  बदला लेबो । महेन्द्र देवांगन माटी पंडरिया  (कवर्धा) छत्तीसगढ़ Mahendra Dewangan Mati

वेलेंटटाइन डे के चक्कर में , मँहू एक ठन गुलाब लानेव । हैप्पी वेलेंटटाइन डे कहिके , अपन बाई ल थमायेंव । वोला देखिस बाई ह , वहू ह लजा गे । यहा उमर में तोला , का जवानी छा गे । दे के दिन मे दे नइ हस , अब गुलाब देवत हस । छुछू कस मुंहू लमा के , फोकट के चुमा लेवत हस । नून तेल के चिंता नइहे  , फूल ल धर के लानत हस । मोर अइसने जी बगियाय हे , अउ जरे मा नून डारत हस । मेंहा कहेंव -- चार दिन के जिनगी पगली , आ हाँस के गोठिया ले । का राखे हे जिनगी में,  चल वेलेंटटाइन डे मना ले । वोहा कहिथे -- का होगे तोला , बड़ आशियाना मूड देखावत हस । चुंदी दाँत झरगे तभो ले , अपन थोथना ल लमावत हस । अरे लोग लइका के चिंता कर , ये तो विदेशी संस्कृति आय । हमर मया तो जनम जनम तक हे , हमर बर तो रोज वेलेंटटाइन डे आय । ये झोला ल धर , अउ साग भाजी लान । ये जगा ले सोज बाय , अपन मुंहू ल टार । झोला ल धरा के वोहा , भीतरी में खुसर गे । वेलेंटटाइन डे के भूत ह , मोरो मूड़ ले उतर गे । गयेंव बजार मा अउ गुलाब नहीं  , अब गोभी के फूल ल लायेंव । ये ले मोर रानी कहिके  , ओकर हाथ मे थमायेंव । फूल गोभी ल देख के ,

बसंत छा गे

(1) सरस्वती वंदना जय शारदे माँ सुन हमर , विनती हवय अब तोर ले । माफी करव तुम भूल चुक , होवय गलत जो मोर ले ।। बालक हवँव अनजान मँय , जोरत हवँव अब हाथ ला । रखबे हमर अब लाज तैं , टेंकत हवँव  मँय माथ ला ।। ****************************************** (2) बेटी बचाव मारव कभू झन कोख मा , बेटी घलो संतान जी । करही जगत मा नाम ला , येला तहूँ अब मान जी ।। लक्ष्मी बरोबर मान ले , भरही सबो भंडार ला । आवय नहीं दुख जान ले , रखही सुखी घर द्वार ला ।। ****************************************** (3) पानी बचाव पानी बचावव आज मिल , सबके इही आधार हे । खइता करव झन फेंक के , येकर बिना अँधियार हे ।। नदियाँ कुवाँ हा सूख गे , होवत सबो हलकान अब । कइसे बचाबो जीव ला , पानी बिना सुनसान सब ।। ************************************* (4) कचरा फेंकव कभू झन खोर मा , कचरा ल तैंहा जान के । राखव सफाई रोज के  , अपने सबो ला मान के ।। रखथे सफाई जेन हा , होवय नहीं बीमार जी  । हाँसी खुशी दिन बीतथे , सुघ्घर लगे घर द्वार जी ।। ******************************************** (5) लफंगा टूरा आ गे हवय अब देख ले , कइस

ऋतु बसंत का मौसम आया , सभी ओर खुशहाली छाया । बाग बगीचा सुंदर दिखते , खुश होकर सब कविता लिखते । फूल खिले हैं डाली डाली,  खेतों में गेहूँ की बाली । चना मटर सरसों सब फूले , चिड़िया चहके झूला झूले । कोयल कूके अमवा डाली , सुंदर दिखते परसा लाली । ऋतु बसंत की महिमा भारी , झूमे नाचे सब नर नारी । महेन्द्र देवांगन माटी पंडरिया छत्तीसगढ़ 8602407353 Mahendra Dewangan Mati

हमर गाँव के तीर मा हवय , अब्बड़ सुघ्घर धाम । जाथे सबझन दर्शन खातिर,  "बावाकुपि" हे नाम ।। "माण्डव ऋषि" के आश्रम जाके , परथे सबझन पाँव । मनोकामना पूरा होथे , लेथे जेहा नाँव ।। सुघ्घर जंगल झाड़ी हावय , बारो महिना छाँव । नदियाँ तीर म बसे सबोझन,  "बोरसी" हमर गाँव ।। बावाकुपि ला देखे खातिर,  धुरिहा ले सब आय । साधु संत के दर्शन पा के , जीव धन्य हो जाय ।। महेन्द्र देवांगन माटी  बोरसी  (फिंगेश्वर ) जिला -- गरियाबंद  छत्तीसगढ़  8602407353 Mahendra Dewangan Mati 

जब ले आ हे ऋतु बसंत हा , मन हा सबके डोलत हे । बाग बगीचा सुघ्घर लागे , रहि रहि कोयल बोलत हे ।। मउरे हावय आमा संगी , अब्बड़ के ममहावत हे । फूले हावय फूल सबो जी,  सबके मन ला भावत हे ।। सुरसुर सुरसुर हवा चलत हे , डारा पाना डोलत हे । बाग बगीचा सुघ्घर लागे , रहि रहि कोयल बोलत हे ।। पींयर पींयर सरसों फूले , खेत खार मा झूमत हे । चना मटर ला खाये बर जी,  लइका मन सब घूमत हे ।। आये हे संदेश पिया के , छुप छुप चिठ्ठी खोलत हे । बाग बगीचा सुघ्घर लागे , रहि रहि कोयल बोलत हे ।। (लावणी छंद)  मात्रा- -- 16 +14 = 30 रचनाकार महेन्द्र देवांगन माटी  पंडरिया छत्तीसगढ़  8602407353 Mahendra Dewangan Mati @