माटी के रचना

अकती तिहार ( चौपाई छंद में) बाजा बाजे मड़वा छागे , पुतरा पुतरी अकती आ गे। नोनी बाबू नाचन लागे , सबझन के अब भाग ह जागे। कोनों डारा पाना लावै , कोनों मड़वा छावन लागै। बाजे अब्बड़ गड़वा बाजा , सजगे हावय दुल्हा राजा। सकलाये हे सबझन पारा , नेउता हवय झारा झारा। टूरा मन सब बनय बराती , टूरी मन हा हवय घराती।। रंग रंग के गाना गावय , हरदी तेल ल अबड़ चढ़ावय। दुल्हा दुल्ही भाँवर पारै , पारा भर टीकावन डारै।। हँसी ठिठोली अब्बड़ होवय , बीदा देवय दाई रोवय। पुतरी पुतरा होय बिदाई , आहू सबझन दाई माई।। महेन्द्र देवांगन माटी पंडरिया छत्तीसगढ़ 8602407353 Mahendra Dewangan Mati @

कोरोना के डर गली खोर हा सुन्ना परगे, घर में सबो धँधाये हे। गोल्लर कस घूमे जे टूरा , खूँटा आज बँधाये हे।। जावत हे जे एती ओती, अब्बड़ डंडा खावत हे। सुसके सुसके घर में आवत, कोनों ल नइ बतावत हे।। कोरोना के खेल ल देखव, कइसे नाच नचावत हे। मचगे हाहाकार ग संगी, रोजे इही बतावत हे।। खुसरे खुसरे नोनी बाबू, विडियो अबड़ बनावत हे। गर्रा टोंटा हाबे तब ले, सुर ला अबड़ लमावत हे।। नाती नतरा खेलत हावय, डोकरी ह खेलावत हे। किसम किसम के बात बता के, डोकरा ह झेलावत हे।। निकलो झन अब कोनों घर ले, सब ला इही बतावत हे। कोरोना ह भागही भैया , जनता ला समझावत हे।। महेन्द्र देवांगन माटी पंडरिया छत्तीसगढ़

संकट की घड़ी दाऊ मंगल सिंह का भरा पूरा परिवार था। घर पर बेटे बहू पोती पोता सब खुशी से रहते थे । दाऊ जी रिटायरमेंट के बाद अधिकांश समय अपने पोते पोतियों के साथ बिताते थे। बाजार से सब्जी लाना व राशन का सामान लाना उनकी ही जिम्मेदारी थी । वह भी खुश रहता था,  क्योंकि बाजार में दो चार मित्रों से मुलाकात हो जाती थी और समय भी कट जाता था। लाकडाउन का पालन परिवार के सभी लोग करते थे। दाऊ जी खुद किसी को बाहर नहीं निकलने देते थे। मुहल्ला पूरा सुनसान नजर आता था। राशन सामान के खतम होने पर एक दिन उसकी पत्नी सामान लाने के लिए बोली। दाऊ जी खुशी खुशी सामान लेने चले गए । जाते वक्त घर के सभी लोग उसे समझाने लगे कि किसी से ज्यादा बातचीत मत करना । दूरी बनाकर रहना। किसी को छूना मत।मुँह में माश्क लगाये रहना आदि आदि । दाऊ जी जब दुकान में गये तो उस दिन कुछ ज्यादा ही भीड़ थी । इसलिए उसे घर आने में देर हो गई । उसकी पत्नी थोड़ा चिल्लाई भी । दाऊ जी ने कहा  - अरे भागवान दुकान में भीड़ थी इस कारण देर हो गया । दाऊ जी हाथ मुँह धोकर बैठे थे कि अचानक उसे बुखार आना शुरु हो गया । शरीर तीपने लगा।गला सुखने लगा। घर के

कोरोना के रोना ( सार छंद) जब ले आये हे कोरोना, सबके होगे रोना। साफ सफाई सुघ्घर राखव, हाथ मुँहू ला धोना।। आवव जावव फोकट के झन, घर मा बइठे राहव। हाथ मिलाना छोड़व संगी, नमस्ते सबो काहव।। अदर कचर झन खावव भैया, बीमारी हा होथे।  माने नइ जे बात काकरो, उही आदमी रोथे।। सरदी खाँसी जर बुखार मा, डाक्टर कर ले जावव। मुँहू कान ला बाँधे राहव, बढ़िया जाँच करावव।। काल बरोबर हे कोरोना, दुनिया भर मा छागे। दिखय नहीं कोनों ला येहा, एकर से डर लागे।। रहो सावधानी से भैया,  येला मार भगावव । जनता करफू पालन करलव, घर मा सबझन राहव।। महेन्द्र देवांगन माटी पंडरिया छत्तीसगढ़ Mahendra Dewangan Mati @

कोरोना वायरस  (आल्हा छंद) फइले हे कोरोना संगी, मच गेहे गा हाहाकार। चीन देश ले आये हावय, एकर आघू सबो लचार।। देश बिदेश सबो जग फैलत, मनखे हावय सब परशान। खतरा हावय अब्बड़ येहा, वैज्ञानिक मन हे हैरान ।। हाथ मुँहू ला धोवव सुघ्घर, साबुन सोडा रोज लगाव। साफ सफाई घर मा राखव, भीड़ भाड़ मा कभू न जाव।। सरदी खाँसी छीक ह आथे, डाक्टर कर तुरंत ले जाव। पानी ला उबाल के पीयव, कोरोना ला दूर भगाव।। हाथ मिलाना छोड़व संगी, कर धुरीहा ले नमस्कार । मुँहू कान ला बाँध के राखव, कोरोना के होही हार।। माँस मदिरा पीना छोड़व ,  ताजा भोजन घर मा खाव। बरतो सब सवधानी भैया , कोरोना ला झन डर्राव।। रचनाकार महेन्द्र देवांगन माटी पंडरिया छत्तीसगढ़ Mahendra Dewangan Mati @

कोरोना के कहर वाह रे कोरोना - सब जगा होगे हे रोना। आज देश विदेश सबो जगा एक्केच बात के चरचा हे। वो हरे कोरोना वायरस के । कोरोना वायरस के कहर ह चीन से निकल के दुनिया के 122 देश में फैल गेहे। माने जाथे के येहा अब तक के सबले बड़े कहर बरपाने वाला वायरस हरे। एकर चपेट में आ के लगभग 5000 ले जादा आदमी मन अपन जान गँवा चुके हे। ये बहुत बड़े चिंतनीय बात हरे। विश्व स्वास्थ्य संगठन  (W H O) ह येला महामारी घोषित कर चुके हे। आदमी मन ल सावधानी बरते के निर्देश बार - बार सरकार ह देवत हे। कोरोना वायरस का हरे ------- कोरोना वायरस ह एक अइसे सूक्ष्म वायरस हरे जेहा आदमी के शरीर में पहुंच के बहुत जल्दी अपन प्रभाव देखाथे। सबले पहिली येहा चीन के वुहान नगर से शुरू होइस अउ दुनिया भर में तेजी से फैल गेहे। एकर अभी तक कोनों पक्का इलाज नइ निकले हे। वैज्ञानिक मन एकर बारे में बहुत शोध करत हे। ये वायरस ल इबोला, सार्स, अउ स्वाइन फ्लू जइसे वायरस ले कोरोना ल सबले जादा खतरनाक वायरस माने जावत हे। बीमारी के लक्षण  --------- कोरोना वायरस के लक्षण सर्दी,  खाँसी,  बुखार, गले में खराश, साँस ले में तकलीफ इही एकर लक्षण

कोरोना वाइरस जगह जगह होवत हे कोरोना के चरचा। वायरस फैलत हे कहिके बाँटत हे परचा।। टीवी हो चाहे मोबाइल हो , दिनभर कोरोना वायरस ला दिखात हे। कइसे बचना हे कहिके तरीका सीखात हे।। विदेश में फैले कोरोना ह अब ,हमर देश म आवत हे। विदेशी मन आ आ के , बीमारी फैलावत हे।। मुहूं बांध के रेंगत आदमी ह ,अब नई चिन्हात हे। विदेशी मन आ आ के ,कोरोना फैलात हे।। रायपुर में आगे कोरोना कहिके ,आदमी मन डर्रात हे। कोरोना से बचे के तरीका ल , टीवी में बतात हे।। हेलो करे ला छोडो , नमस्ते करे ल सीखात हे। कोनो खाँसत आदमी त , डॉक्टर ल दिखात हे। रचना प्रिया देवांगन प्रियू पंडरिया छत्तीसगढ़ Priya Dewangan priyu