बिन मौसम बरसात
बिन मौसम बरसात
बिन मौसम अब बरसा होवय, गिरय झमाझम पानी ।
धान पान हा कइसे बाँचय , होय करेजा चानी ।।
खेत खार मा करपा माढय , होवत हे नुकसानी ।
कइसे लानय अब किसान हा, बुड़गे सब्बो पानी ।।
माथा धरके बइठे हावय, रोवय सबो परानी ।
धान पान हा कइसे बाँचय, होय करेजा चानी ।।
करजा बोड़ी अब्बड़ हावय , छूट कहाँ अब पाबो।
धान पान हा होवय नइहे, काला अब हम खाबो ।।
खरचा चलही कइसे संगी , कइसे के जिनगानी ।
धान पान हा कइसे बाँचय , होय करेजा चानी ।।
बिन मौसम अब बरसा होवय, गिरय झमाझम पानी ।
धान पान हा कइसे बाँचय , होय करेजा चानी ।।
रचना
महेन्द्र देवांगन माटी (शिक्षक)
पंडरिया छत्तीसगढ़
8602407353
Mahendra Dewangan Mati
बहुत सुन्दर सर जी । सहीं बात
ReplyDeleteधन्यवाद सर जी
Deleteअति सुन्दर सर जी
ReplyDelete