जाड़ लागत हे
जाड़ लागत हे
रिमझिम रिमझिम बिहनिया ले , गिरत हावय पानी ।
कुड़कुड़ कुड़कुड़ जाड़ लागत , याद आ गे नानी ।
हाथ गोड़ जुड़ा गेहे , तापत हावन आगी ।
सांय सांय धुंका चलत , का बतावँव रागी ।
चुनुन चुनुन चुल्हा में, भजिया ल बनावत हे ।
गरमे गरम भजिया , लइका ल खवावत हे ।
चुल्हा तीरन बइठ के , हाथ गोड़ सेंकत हन ।
बइठे बइठे टी वी मा , शपथ ग्रहण देखत हन ।
महेन्द्र देवांगन माटी
पंडरिया छत्तीसगढ़
Comments
Post a Comment