वाह रे परदेसिया
वाह रे परदेसिया
*****************
वाह रे परदेसिया हो, चाल चलेव तुमन बढ़िया बढ़िया ।
छत्तीसगढिया सबले बढ़िया कहिके, कर देव खड़िया खड़िया ।
हमर राज में आके तुमन, हमी ल आंखी देखायेव।
हमरे माटी में कब्जा करके, हमी ल तुमन भगायेव
भाई भाई में झगरा करवा के, मजा लेवत हो बढ़िया
छत्तीसगढिया सबले बढ़िया कहिके, कर देव खड़िया खड़िया ।
हमरे थारी में खाके तुमन, उही में छेदा कर देव।
सबला इंहा बुद्धु बनाके, अपन जेब ल भर लेव।
हमला देके फोकला फोकला, खावत हो बढ़िया बढ़िया ।
छत्तीसगढिया सबले बढ़िया कहिके, कर देव खड़िया खड़िया ।
अब तो जागे ल परही संगी, तनिक होस में आवव।
अइसन परदेसी मन ल, मार के तुम भगावव।
अपन हक ल लेहे खातिर, झन बनव तुम कोढिया
छत्तीसगढिया सबले बढ़िया , झन होवव खड़िया खड़िया ।
वाह रे परदेसिया हो, चाल चलेव तुमन बढ़िया बढ़िया ।
छत्तीसगढिया सबले बढ़िया कहिके, कर देव खड़िया खड़िया ।
जय छत्तीसगढ़ जय छत्तीसगढ़ी
महेन्द्र देवांगन "माटी"✍
💐💐💐💐💐💐Ⓜ🙏🙏
Comments
Post a Comment