काबर आथे तीजा
काबर आथे तीजा
*****************
काबर आथे संगी तीजा,
चार दिन में हमरो निकलगे बीजा ।
बिहनिया उठ के, चाहा ल डबकावत हों ,
कभू मीठ त कभू, सीटठा ढरकावत हों ।
रतिहा के बरतन ल,बिहनिया मांजत हों,
दुवारी में कुकुर हाग देथे, वहू ल डारत हों ।
लकर धकर के रंधई में, सीध नइ परत हे ,
कभू भात चीपरी, त कभू साग ह जरत हे ।
ऊत्ता धुररा नहा के, ड्यूटी जावत हों ,
बिहनिया के रांधे ल, संझाकुन खावत हों ।
काबर आथे संगी तीजा,
चार दिन में हमरो निकलगे बीजा ।
महेन्द्र देवांगन माटी
पंडरिया
8602407353 , 9993243141
🌹🌹🌹😀😀Ⓜ🙏🙏
Comments
Post a Comment