Wednesday, 23 March 2016

बुरा न मानों होली है 1

बुरा न मानों होली है  1 ---
**************************
ऋषि भैया गाना गाये, लहरी राग लमाय
झूम झूमके गरिमा नाचे, सरवन नंगाड़ा बजाय

बलवंत हेम ललित ह, झोंकत हाबे राग
दुलारी सुधा लता ह, खेलत हाबे फाग

अजय अनिल राजेश ह, भिगोवत सबके चोली
रश्मि किरण राजेश्वरी संग, करत हांसी ठिठोली

माटी मिलन महेतरु सब, डारत हे रंग पक्का
सोनू संतोष सालिक ह, बनके नाचत छक्का

सुखन देवेंद्र तरुण ह, पीके नाचत आज
शकुंतला ह गारी देवत, नइ लागे का लाज

दुलारी शशि प्रतिभा ह, बनावत हाबे चीला
ओमप्रकाश अशोक मथुरा मन, खावत हे माई पिला

अमन देव सुनील मन, बजावत हाबे बाजा
रामकुमार रितुराज मनी ल, बनाये हे दुल्हा राजा

दीपक हर्ष संजीव के, निकले हाबे टोली
सबो संगवारी मिलके, चलो मनाबो होली

होली के ए अवसर में, खावो भांग मलाई
मोर डाहर ले सबोझन ल, होली के बधाई

महेन्द्र देवांगन माटी

1 comment:

  1. अ...हा...हा...हा...हा...हा...हा...हा...हा...हा... पेट फुल गे गा...!
    http://nwabihan.blogspot.in/

    ReplyDelete