माघी पुन्नी के मेला
मेला
********
जगा जगा भराय हाबे, माघी पुन्नी के मेला
कोनों जावत जोड़ी जांवर, कोनों जावत अकेला
कोनों जावत मोटर गाड़ी, कोनों फटफटी में जावत हे
कोनों रेंगत भुसरुंग भुसरुंग, कोनों गाना गावत हे
हाबे संगी अब्बड़ भीड़, होवत रेलम पेला
जगा जगा भराय हाबे, माघी पुन्नी के मेला
लगे हाबे मीना बजार, होवत खेल तमासा
जगा जगा बेंचावत हाबे, मुररा लाई बतासा
डोकरी दाई खावत हाबे, बइठ के केरा अकेला
जगा जगा भराय हाबे, माघी पुन्नी के मेला
महेन्द्र देवांगन "माटी"
बोरसी - राजिम वाले
8602407353
Comments
Post a Comment