Friday, 22 January 2016

नौकरी वाली बहू

नौकरी वाली बहू
********************
बी ए पास हे टूरा ह, लानीस नौकरी वाली बहू
चार महीना में वहू ह, निकाल दीस सबके लहू
सुत उठके बिहनिया ले, आफिस के तैयारी करथे
चाहा तक बनाय नहीं, टूरा ह पानी भरथे
झाड़ू पोंछा करे नहीं, सबला गोसइया करथे
एको कनी कोई देरी होही, अब्बड़ ओहा लड़थे
किरीम पाऊडर लिपिस्टिक ल, बेग में ओहा धरथे
मुंहूं बांधे चसमा लगाय, स्कूटी में ओहा चलथे
छुट्टी होथे आफिस के, संझा बेरा घर आथे
घेरी बेरी मोबाइल बाजथे, फुसुर फुसुर गोठियाथे
आनी बानी के खावत पीयत, बाई ह मोटावत हे
एती टूरा ह संसो भरम में, दिनों दिन दुबरावत हे ।

महेन्द्र देवांगन माटी
( बोरसी-राजिम वाला)
पंडरिया (छ. ग.)
8602407353

5 comments:

  1. JORDAR RACHNA GURU DEW....MAZA AAGE..

    ReplyDelete
  2. JORDAR RACHNA GURU DEW....MAZA AAGE..

    ReplyDelete
  3. धन्यवाद बलवंत बंजारे जी

    ReplyDelete
  4. धन्यवाद बलवंत बंजारे जी

    ReplyDelete
  5. धन्यवाद बलवंत बंजारे जी

    ReplyDelete